A Asociación Galega para a Defensa da Sanidade Pública critica o peche de camas hospitalarias en Vigo: Feijóo eliminou 517 antes da crise do coronavirus

A entidade manifesta o seu apoio e axuda ás autoridades sanitarias na loita contra o Covid-19 e a súa total colaboración e respaldo ao persoal sanitario pero recorda que o seu respaldo «non debe encubrir e silenciar as políticas anteriores que dificultan agora afrontar a crisis».

O colectivo recorda que agora o Servizo Galego de Saúde plantexa, entre outras opcións, a de utilizar hoteis con fins sanitarios e fala «e falta de camas e outros recursos», cando en moitas áreas sanitarias galegas como a de Vigo «pechou nos últimos anos moitos centros e camas hospitalarias e reduxo persoal e servizos».

Así, a Área Sanitaria de Vigo, perdeu un total de 517 camas, tanto no Hospital Álvaro Cunqueiro (394), coma no de Meixoeiro (71) e tamén no Nicolás Pena (52).

Asemade, recodan que tamén se pecharon para uso asistencial outros recursos sanitarios da área de Vigo, coma o Policlínico Cíes, o hospital de Rebullón ou os centros de especialidades Col e A Doblada, o que podería supoñer centos de prazas adicionais.

A asociación manifesta que o seu apoio como entidade «non debe encubrir e silenciar as política anteriores que dificultan agora afrontar a crise» e desexa «que non se repitan» e «un cambio total nas mesmas» porque «é necesario garantir no futuro» un sistema sanitario público galego «dotado dos recursos para facer fronte a calquera problema de saúde».