Antón Sánchez denuncia que a meirande parte das industrias extractivas, de enerxía, auga e resíduos que operan a nivel galego sacan os beneficios fóra do país deixando a cambio todo tipo de externalidades negativas

O vicevoceiro de En Marea e portavoz nacional de Anova faise eco dos datos publicados polo Instituto Galego de Estatística (IGE) na denominada Estatística de Multilocalización Empresarial, que trata de avaliar as características e de cuantificar a actividade en Galicia das empresas con sede noutras comunidades autónomas.

Imaxe parcial da central térmica de Meirama, que Naturgy opera en Cerceda e que se atopa dentro das lista de instalacións enerxéticas máis contaminantes do Estado / Galipedia

O deputado ven de facer referencia a este particular nunha interpelación presentada ao Goberno galego á que tivo acceso contrainformacion.es, afirmando que ao examinar en detalle as cifras, pódense observar outros datos máis específicos «que poñen en evidencia» as políticas económicas que segue a reforzar o Goberno de Alberto Núñez Feijóo en determinados sectores industriais.

Sánchez incide en que a Estatística de Multilocalización Empresarial amosa na práctica que no sector das industrias extractivas, enerxía, auga, solo e residuos, as empresas foráneas representaba no ano 2015 o 82% do total do volume do negocio, pero que sen embargo, pese a absorber a práctica totalidade dos beneficios xerados «o emprego que producen está moi por debaixo do volumen de negocio que manteñen».

Para o deputado, hai que ter en conta que «non é só que xeren menos emprego do que deberían xerar», senon que «o emprego que representa este sector en Galicia con respecto ao total resulta ser moi baixo» e supón na práctica en torno ao 1,5% do número de persoas ocupadas na comunidade autónoma.

Por este motivo, Antón Sánchez considera que estes datos poñen de manifesto «que mentres o territorio galego absorbe todas as externalidades negativas promovidas polo sector das industrias extractivas, enerxía, auga e residuos» a través de actividades «de alto impacto medioambiental e social» e «baixa capacidade de emprego», a práctica totalidade dos beneficios conrrespóndelle a empresas foráneas, preguntándose finalmente si o actual Goberno da Xunta considera que a súa actitude política é o camiño a seguir para o desenvolvemento ideal do territorio galego.


Necesitamos tu ayuda para seguir adelante con el periodismo crítico, ayúdanos a no tener que depender de publicidad externa y que Contrainformación sea solo de sus lectores. Con 1, 2, o 3 euros al mes nos ayudarás a seguir mostrándote nuestros artículos críticos.

Ayúdanos a seguir ofreciendo Contrainformación.

Deja un comentario