Antón Sánchez: “O da explotación mineira do Monte Neme é o exemplo perfecto para explicar o modelo corrupto de saqueo do público favorecido polo PP de Feijóo”

O portavoz nacional de Anova coñeceu estes días de primeira man a situación do cumio do mítico monte bergantiñán, cunha restauración ambiental que logo de anos de espera non chega pola negativa dos responsables da concesión a facerse cargo dos gastos derivados dos traballos de acondicionamento. 

A canteira do Monte Neme foi explotada ata 2012 por Leitosa S.A.U., do grupo valenciano Sedesa, propiedade da familia de Juan Cotino, exvicepresidente da Generalitat Valenciana imputado no coñecido como caso Gürtel, un entramado empresarial que financiou ilegalmente ao PP a través de empresas da trama de Francisco Correa.

Leitosa explotou cuarzo e áridos a partir do ano 2006 no cumio do Monte Neme, a carón dunha centenaria explotación de wolframio sen que a Xunta chegara a esixirlle aval logo de finalizar a operación mineira. Sen embargo, sí percibiu case 600.000 euros en axudas públicas. Finalmente, no 2012, e cando era administrada por Vicente Cotino Escribá, sobriño do dirixente popular, a empresa entrou en concurso se acreedores, sendo disolta por orde xudicial.

Para Antón Sánchez, que durante estes anos levou adiante a nivel parlamentario numerosas iniciativas sobre o particular na Cámara galega, “o da explotación mineira do Monte Neme é o exemplo perfecto para explicar o modelo corrupto de saqueo do público favorecido polo PP de Feijóo” e a “demostración” de que o modelo imposto polas políticas mineiras da Xunta levadas a cabo polo director xeral de Enerxía e Minas Ángel Bernardo Tahoces “aposta pola privatización dos beneficios e a externalización das perdas e custes ambientais”.

“As peripecias de Leitosa S.A. co permiso dos populares da Xunta de Galicia cóstanos moi caro” -reflexou Sánchez nas súas redes sociais logo da súa visita a semana pasada-, analizando pormenorizadamente os custes que o abandono por parte do Goberno galego tivo para o erario público, facendo referencia aos 794.000 euros do plan de restauración aínda non executado e aos 140.000 euros da reparación dos danos provocados pola rotura da balsa eno ano 2014, aos que hai que sumar os máis de 147.000 euros pola instalación dun valado de seguridade xa perforado en varios dos seus puntos ás poucas semanas da súa instalación. 

“Sexa Santa Comba, Touro, San Finx, as pizarreiras de Valdeorras ou o Monte Neme a norma é que as empresas emplotan o recurso, fan negocio e despois vanse sen acometer a restauración dos espazos” -valorou o responsable político-, levando adiante unha vez máis esa política de “privatizar beneficios e socializar perdas” que caracteriza ao PP galego e ao Executivo de Alberto Núñez Feijóo no Goberno da Xunta.