Galiza

As imaxes proban que na festa a prol da mina de Touro organizada o 25 de marzo na discoteca Dona Dana non se respectaron axeitadamente os protocolos de seguridade da pandemia

No material gráfico que acompaña ao informe sobre o caso, ao que tivo acceso contrainformacion.es, pódese ver sen máscara en interiores, entre outros, a José Venancio Salcines Cristal, «senior advisor» de Atalaya Mining e Pablo Núñez Fernández, delegado do Ilustre Colegio Oficial de Geólogos (ICOG) en Galicia e traballador a soldo da mercantil Cobre San Rafael.

Sala de festas Dona Dana, en Touro / Creative Commons

O pasado 25 de marzo o colectivo Arzúa Sostible alertou que «un acto de exaltación» a prol da mina de Touro na sala de festas Dona Dana, sita no mesmo concello que a antiga explotación de cobre, pasara por riba «dalgunhas das recomendacións sanitarias máis importantes da pandemia».

O evento, organizado pola asociación instrumental da mineira Cobre San Rafael -Asociación de Mineiros Touro O Pino-, reuniu a varios centos de persoas na sala de festas xusto no momento en que Galicia estaba a presentar a máxima incidencia acumulada de coronavirus a nivel peninsular atopándose en «risco moi alto» de contaxio.

Dende Arzúa Sostible recordouse que nese momento a incidencia media acumulada a 14 días a nivel estatal subira en 25 puntos chegando aos 461 casos por 100.000 habitantes e que Galicia, cun índice de 969 era xunto con Canarias (902) o territorio máis afectado nese momento pola pandemia, alertando de que a situación seguía a ser de «extrema gravidade» ao confirmar o Ministerio de Sanidad que do martes 22 ao venres 25 de marzo rexistráronse un total de 339 pasamentos polo impacto da Covid-19.

Esta situación -sinalan- «pareceu non ser o suficientemente relevante para preocupar aos organizadores dunha festa a prol da mina de Touro» na Dona Dana, que reuniu a varios centos de persoas no seu momento álxido, «cifra diametralmente oposta ás 2.000 que pregoa a Asociación de Mineiros Touro-O Pino» e que, segundo testemuñas presenciais «non se respectaron moitas das recomendacións establecidas en relación coa pandemia», razón pola que o colectivo ven de poñer estes feitos en coñecemento da Consellería de Sanidade.

Segundo explican, aínda que na entrada a organización entregou máscaras hixiénicas aos asistentes «durante o evento non se respectou na meirande parte dos casos a distancia social e moitos participantes renunciaron a usala en distintos momentos do acto como así o demostran moitas das imaxes e vídeos enviados por mensaxería instantánea pola veciñanza nas que fan constar o seu rexeitamento a este tipo de actitudes que supoñen unha irresponsabilidade e un risco evidente para a saúde pública».

As recomendacións da autoridade sanitaria insisten na importancia do uso de máscara en interiores e á adopción da distancia social como ferramentas básicas de protección / Ministerio de Sanidad

Nas probas gráficas enviadas, ás que tivo acceso contrainformacion.es, aparecen persoas claramente recoñecibles en interiores e sen máscara, como Venancio Salcines, «senior advisor» de Atalaya Mining ou Pablo Núñez, traballador da súa filial Cobre San Rafael e delegado do Colegio Oficial de Geólogos en Galicia.

Doutra banda, fontes veciñais sinalan que moita da xente participante non tiña relación algunha nin cos concellos de Touro e O Pino nin coa comarca de Arzúa polo que «unha vez máis demóstrase que o único que pretende a asociación instrumental da mineira Cobre San Rafael é simular un apoio e unha licenza social da que realmente carece«.

Redacción

Luchando contra la información manipulada y tendenciosa. Periodismo incómodo.

Entradas recientes

Trabajando por los derechos humanos

No solemos hablar sobre nuestro propio trabajo porque pensamos que hay muchos otros temas sobre…

3 horas hace

El IPC alcanza en junio su nivel más alto desde 1985

La subida de precios bate nuevo récord y supera el pico registrado el pasado marzo,…

11 horas hace

Ortega Smith entra en cólera al ver que Más Madrid coloca banderines arcoíris en sus escaños del Pleno

El portavoz de Vox en el Ayuntamiento de Madrid ha reaccionado desplegando una bandera de…

12 horas hace

¿Cómo serán las residencias de mayores a partir de ahora?

Según el nuevo modelo, las residencias deberán funcionar de la forma más parecida a un…

13 horas hace

«El fascismo no necesita ganar para ganar»: Sánchez utiliza los mismos argumentos que Abascal contra la migración

A través de redes sociales se ha difundido un vídeo en el que se compara…

13 horas hace

La distopía norteamericana: «Si abortas en Alabama puedes tener más pena que el tipo que te violó»:

El Estado de Alabama es uno de los más restrictivos en materia de aborto.

13 horas hace