O deputado do BNG no Congreso, Néstor Rego, alerta da pasividade do Ministerio de Transición Ecolóxica e Reto Demográfico ante a súa negativa de levar a cabo as obras nos cantís da praia do Xunqueiro en Oleiros. A formación nacionalista recorda que a zona se sitúa dentro de dominio público marítimo terrestre e, polo tanto, é competencia directa do Goberno do Estado, que debe solucionar os problemas de seguranza e estabilidade da estrada que bordea a cala.
Na resposta do Goberno do Estado remitida á formación nacionalista o Ministerio para a Transición Ecolóxica e Reto Demográfico e a Dirección Xeral da Costa e o Mar rexeitan levar a cabo as obras e alude a que a seguranza nos lugares de baño é competencia municipal igual que o é a estrada en que se produciron os diversos derrubes durante os temporais de inverno.
“A zona sitúase dentro de dominio público marítimo terrestre e sobre a mesma ten competencias directas o MITECO a través da Demarcación de Costas da Dirección Xeral da Costa e o Mar que continúa a facer omisión do seu deber” recrimina o deputado nacionalista ante a pasividade da Administración estatal. A única medida adoptada até o momento “foi a sinalización con cinta da zona perigosa mais seguen sen iniciarse as actuacións que precisa esta zona”.
Así mesmo, o BNG insiste na necesidade do arranxo da estrada para evitar, ademais de danos materiais, un posíbel custo de vidas humanas de se producir outro derrube. “É urxente que o Goberno do Estado atenda as demandas da veciñanza de Oleiros que viven pola zona e que ven como a estrada queda agora ao borde xusto do precipicio sen protección para os vehículos nin para os peóns” asevera Rego.
Por outra banda, a formación nacionalista lamenta a posición do Partido Socialista a nivel municipal que votou en contra da moción que reclamaba ao Goberno do Estado levar a cabo as actuacións de reparación para evitar máis derrubes que o único que procuran é a seguranza das veciñas e veciños do Xunqueiro en Oleiros.
Bruselas tiene un problema con los ultraprocesados. O, más exactamente, tiene un problema con su…
Una publicación internacional recoge la propuesta nacida en España que plantea la bondad como acto…
Cuando el ruido político cruza una línea, hasta sus propios aliados religiosos empiezan a bajarse…
Frente directo contra la difamación organizada en redes La estrategia ya no es solo denunciar…
La cesión de espacios públicos y la difusión institucional de un curso sobre criptoactivos desatan…
El caso expone fallos internos, presiones y una gestión que deja en el aire la…