O Partido Popular está institucionalizando a corrupción dando apoio á Valedora do Pobo despois de que o Tribunal Superio de Xustiza de Galicia condenase á Valeduría por ter vulnerado dereitos fundamentais ao colocar nunha praza a unha persona con recoñecida proximidade coa Valedora. Luís Villares defendeu na súa intervención a necesidade de que o Parlamento de Galicia non ampare actitudes corruptas e tamén que se cesara á Milagros Otero para «recuperar o prestixio desa institución».

O voceiro de En Marea asegurou que o Partido Popular tiña que retratarse. «Ten que decidir se está do lado dos enchufes, do clientelismo, dos que actúan con arbitrariedade, utilizando o seu poder indebidamente, en definitiva, se está do lado dos corruptos». Finalmente, o PP avalou a continuidade de Milagros Otero e retratouse do lado da corrupción.  Villares sinalou que permitir a continuidade da Valedora significaba «amparar o uso clientelar das institucións, vulnerar os dereitos fundamentais dos demais aspirantes e obstaculizar o acceso á información».

Luís Villares, que considerou que este era o debate máis importante sobre corrupción no que vai de lexislatura, sinalou que do que se trataba a votación era de «decidir se estamos dispostos ou non a seguir tolerando que haxa persoas que empreguen as institucións públicas en beneficio particular, para beneficiar aos seus amigos, aos seus antigos xefes e para devolver favores ao partido que as puxo no seu cargo».

O voceiro de En Marea considera que agora mesmo «Hai unha institución condenada por sentenza xudicial porque a súa titular pisoteou os dereitos fundamentais de igualdade, mérito e capacidade, porque despreciou os dereitos dos cidadáns» e a valeduría está condenada «por enchufar a unha amiga, para enchufar á sobriña de Fraga, para colocar á filla do antigo xefe, para enchufar á irmá do voceiro do Partido Popular no Parlamento de Galicia».


Necesitamos tu ayuda para seguir adelante con el periodismo crítico, ayúdanos a no tener que depender de publicidad externa y que Contrainformación sea solo de sus lectores. Con 1, 2, o 3 euros al mes nos ayudarás a seguir mostrándote nuestros artículos críticos.

Ayúdanos a seguir ofreciendo Contrainformación.

Deja un comentario