O voceiro de En Marea, Luís Villares, e o deputado Francisco Casal, mantiveron unha xuntanza cos representantes da Asociación de Consumidores e Usuarios de Galicia na que trataron diversos temas de intereses para os e as consumidoras e analizaron o papel da administración ante as múltiples estafas que está a sufrir diariamente á cidadanía no noso país.

O voceiro de En Marea, Luís Villares, lamentou que a parte débil das relacións de consumo sexan sempre os cidadáns e cidadás tal e como se demostra no día a día nas estafas masivas incluso con bens do día a día. O recibo da luz é unha das estafas diarias que sufre á cidadanía que podería chegar a aforrar ata un 30 por cento se xestionarase ben os seus recibos. Pero tamén no recibo de telefonía e por suposto estafas bancarias, estas últimas en varios niveis xa que hai practicas abusivas aparentemente legais que ao final demostrase que non o son como o caso das preferentes ou cláusulas chan, pero hai moitas outras aínda pendentes de que se abran e que seguen a prexudicar diariamente aos consumidores.

Villares denunciou a pouca, ou nula, proactividade, amosada por parte do Instituto Galego de Consumo e Competencia. “A Xunta non está exercendo as súa responsabilidade en materia de consumo e menos de competencia. Non foi a que destapou a estafa das preferentes, nin das cláusulas chan, nin está a perseguir as prácticas de ´cartel` no prezo dos carburantes en Galicia que da lugar a que teñamos dos máis elevados de todo o Estado” declarou o voceiro de En Marea.

Pero tamén a falla de actuación por parte do Goberno galego referente as cláusulas chan de carácter preventivo ou a hora de destapar novos abusos.

Desde En Marea xa se propuxo en diversas ocasións crear oficinas de asesoramento enerxético, un servizo que sería esencial para axudar á cidadanía a entender e coñecer a súa factura da luz. Unha petición que como salientou o deputado Francisco Casal foi denegada por parte do Goberno galego asegurando que “todo o mundo entende perfectamente o seu recibo da luz”. Ante a falla de interese e acción da Xunta, En Marea de feito organizou unha serie de charlas por todo o país para precisamente axudar á cidadanía a estudar o seu recibo e buscar as mellores opcións a nivel individual e que está a provocar aforros de entre 100 e 300 euros ao ano no recibo da luz.

A pasividade da Xunta trasladase tamén a resolución xudicial dos conflitos. Cando se decidiu atacar as cláusulas chan en lugar de facer unha regulación e unha solución extraxudicial o que fixo foi crear un marco regulatorio que promovese a xudicialización destes conflitos o que provocou un colapso xudicial e non se aportou ningún tipo de reforzo que solucionase esta situación e resolver en tempo razoable os casos. Todo co silencio da Xunta que en ningún momento solicitou un reforzo de persoal.

O voceiro de En Marea destacou a “boa labor de asociacións como ACOUGA á hora de defender os dereitos das e dos consumidores fronte as grandes empresas”.

Por parte de ACOUGA, o presidente Manuel Pérez e o secretario Xoán Antón Pérez-Lema, puxéronse en contacto con En Marea para trasladar as súas preocupacións en distintos temas ante a falla de resposta da Xunta de Galicia da que aseguran non esperan xa “absolutamente nada xa que demostrou xa claramente que non é un goberno amigo dos consumidores, senón todo o contrario”.

Deja un comentario