Davide Rodríguez sinala que as contas presentadas por Feijóo non ofrecen nin unha soa solución para a cidade ou a provincia de Ourense.

Audio das declaracións de Davide Rodriguez:  https://www.dropbox.com/s/8q1gtt6u7dot6fa/Audio%20Davide%20rolda%20orzamentos%20ourense%202020.m4a?dl=0.

O presidente da Xunta ten abandonado a Ourense é a súa provincia tal como demostran os orzamentos presentados por Feijóo para o ano 2020, uns orzamentos que segundo explicou o deputado de En Marea, Davide Rodríguez, “deixan moi tocadas á cidade e á provincia, sen nengunha solución para os problemas, sen políticas sociais que acompañen e sen ningunha solución para o despoboamento”.

Na comparecencia ante os medios para valorar os orzamentos presentados pola Xunta para o 2020, Davide Rodríguez sinalou algunhas das moitas eivas destes orzamentos que, segundo sinalou, “son continuistas en canto ao abandono da cidade e da provincia por parte da Xunta e da Diputación de Ourense”. Acompañado por Manuel Gallardo Canitrot e por Lorena Fernández, Davide Rodríguez fixo un repaso as principais eivas dos orzamentos sector por sector, sinalando como fundamentais a falta de inversión en sanidade, en infraestruturas e en medioambiente engadindo que o orzamento “non aporta ningunha solución para o problema do despobamento na provincia”.

Como primeiro punto, o deputado de En Marea, sinalou o desleixo con que a Xunta trataba a Ourense. “É a terceira cidade de Galicia, pero para o orzamento da Xunta é a sexta en investimentos reais”. Ourense que da “moi tocada por estes orzamentos”, non se van “blindar os servizos básicos da cidade de Ourense, non se vai blindar unha xestión do CAPD que sexa pública e, por se fose pouco, estamos falando de investimentos que se repiten ano tras anos e que están sen executar, como pode ser o enlace da A52 co polígono de San Cibrao das Viñas ou como pode ser o arranxo do vial de Seixalbo ou a intermodal”.

Para a provincia os orzamentos da Xunta ten un trato aínda peor, segundo explicou aos medios Davide Rodríguez, “Ourense é a última provincia para todo: estamos á cola en investimentos, en políticas sociais, estamos á cola en educación”. O deputado de En Marea detallou que ano tras ano “pechan as escolas do rural sen que a Xunta de Feijóo poña remedio”. Tamén apunto que Ourense está á cola “en política de Sanidade e vemos como aos hospitais comarcais de Verín e Valdeorras lle quitaron o dermatólogo, vemos como no Macizo Central estamos sen pediatra e en A Teixeira estamos sen médico”.  Todas estas eivas afectan de maneira decisiva ao problema da despoboación da provincia.

Davide Rodríguez sinalou que estes orzamentos non atallan ningún dos problemas reais da cidadanía de Ourense, porque todos son problemas que afectan ao despoboamento que a Xunta non está preocupada por solucionar. O deputado sinalou que nas contas para o 2020 non hai nin unha soa aportación para atallar os problemas da industria na provincia, “nin para as empresas do Carballiño que fabrican pezas para os parques eólicos, nin para as traballadoras de Unitone en San Cibrao van quedar sen os seus postos de traballo porque a Xunta non adica diñeiro para solventar estes problemas”.

Igualmente baleiro é o orzamento para Ourense en sectores como as infraestruturas. Ademais da repetición de obras que nunca se efectúan o que se apreza nos “orzamentos é que comarcas enteiras como Valdeorras, a Baixa Limia ou o Macizo Central teñen infraestruturas terceiromundistas e non hai nin un can para a súa modernización”. O mesmo trato ofrecen estas contas para o medioambiente ou a loita contra os lumes.

O deputado de En Marea explicou que En Marea “vai emendar estes orzamentos para conseguir unhas contas da Xunta que atendan os principais problemas da cidadanía ourensá”. Rodríguez apuntou que En Marea “quere uns orzamentos sociais que garantan os servizos para a xente e que saquen a Ourense do esqucemento no que a manteñen tanto a Xunta como a Deputación”.

Let’s block ads! (Why?)

Vídeo Recomendado:

Deja un comentario