O deputado do BNG, Xosé Luís Rivas, formulou hoxe unha pregunta ao goberno sobre as medidas destinadas a evitar que se repitan episodios como os producidos coa vaga de lumes durante o mes de outubro de 2017.

Rivas lembrou que no ano 2006, no período bipartito, tomáronse medidas de profundo calado que o PP suprimiu de maneira “revanchista” ao chegar ao goberno. Para o deputado, “perdimos 9 anos beneficiando a ENCE e permitindo forestacións anacrónicas, caóticas e perigosas”. O mes de outubro de 2017, ademais, mandounos outro recado, “49.000Has en 3 días, 4 mortes, cuantiosas perdas e unha frustración na alma dos galegos” que esixían un lavado de cara e unha posta en escena, que non foi á raíz do problema da estrutura e ordenación do noso territorio e por iso presentaron vostedes “as 30 medidas da vergoña”.

As 30 medidas anunciadas polo Presidente da Xunta, explicou o nacionalista, son insuficientes e un compendio de mentiras, sobre todo no que respecta ás axudas e recuperación do queimado ao que hai que sumar á xestión das franxas de seguridade, secundarias e terciarias que non se xestionaron porque “á Xunta e ó Estado non lles peta”.

Sobre as axudas á prevención, o parlamentario criticou que volverán a seren convocadas en febreiro e resoltas no mes de agosto, período, dixo, de alto risco de incendios. A prevención, polo tanto, “chega tarde” e por desgraza, o caos na ordenación, o cambio climático, as desaforadas políticas de forestación indiscriminada e un desprezo polo sentido común fan que “sigamos estando a mercede do que a meteoroloxía adversa e os esqueiros de catro enaxenados marquen”.

O deputado reclamou a posta en marcha de medidas contra os incendios e unha política “valente ” que acredite en Galiza. “Esa certeza non a marcan os votos, vén marcada pola fe nas potencialidades deste País, terra e pobo, e no aproveitamento sostible e multifuncional do territorio en beneficio de todos, porque todos, e non só uns cantos, conformamos isto que demos en chamar dende hai xa 2.000 anos a Gallaecia”.

Por iso, pola constatación de que non mudou nada e compartindo o temor da sociedade galega a cada atisbo de fume que se albisque no horizonte é polo que lle facemos esta pregunta ao conselleiro, sabendo que hai escasamente un mes que tomou posesión pero sabendo tamén que é continuador de políticas fracasadas co Medio Rural do goberno.

Trala resposta do conselleiro de Medio Rural, José González Vázquez, e o portavoz do PP, Moises Blanco que interveu por ir as dúas preguntas acumuladas, o deputado do BNG acusou ao Partido popular de non ter “a decencia” de sentarse a falar para resolver o problema dos incendios. Ninguén do BNG, manifestou Rivas, “fixo fotos cos zapatitos castellanos, camisa branca e unha mangueira ridícula”, nós, polo contrario colaboramos naqueles lugares nos que era preciso e advertiu que de non tomar medidas, “calquera día, ao igual que aconteceu en outubro de 2017 pode repetirse a vaga de lumes.

CHANTAXE ASQUEROSA AOS MUNICIPIOS

Rivas destacou o traballo dos servizos de extinción e volveu a acusar ao goberno de “maltratar aos traballadores”, tanto no aspecto salarial como de organización, formación e homologación. Vostedes seguen tirando balóns fora e todo o circunscriben á comisión de expertos, “veremos que esta comisión é capaz de facer” e valoraremos as conclusións.

O deputado do BNG cualificou o convenio da Xunta-FEGAMP de “chantaxe asquerosa aos municipios” porque un concello con 240 km cadrados e 2.000 habitantes e sen medios para enfrontarse aos lumes, “colapsa” como aconteceu recentemente no concello de Mondariz, concluíu.


Necesitamos tu ayuda para seguir adelante con el periodismo crítico, ayúdanos a no tener que depender de publicidad externa y que Contrainformación sea solo de sus lectores. Con 1, 2, o 3 euros al mes nos ayudarás a seguir mostrándote nuestros artículos críticos.

Ayúdanos a seguir ofreciendo Contrainformación.

Deja un comentario