A entidade lanza unha nota de agradecemento logo de coñecerse os informes negativos da Administración galega aos parques eólicos que afectan ao macizo e que dificultan sobremaneira a evolución dos proxectos das multinacionais norueguesa e italiana Statkraft e Enel.

Dous activistas desplegan a bandeira da campaña no cumio de Pena Trevinca (2.127 metros) / Montañas de Trevinca

Nun sentido texto, o colectivo montañeiro agradece a «sinatura» e «adhesión» do gran número de persoas que respaldaron a campaña informativa «Salvemos Trevinca«, posibilitando que este cordal montañoso siga a ser «o belo, importante e patrimonial símbolo de todas as montañas galegas».

Na mesma liña, mostra o seu agradecemento «aos profesionais da información en prensa e outros medios» por achegar ao gran público «as xustas e fundamentadas demandas de proteccion» da natureza de montaña en Pena Trevinca, así como o apoio mostrado polos clubes de montañismo.

O grupo recorda que o montañismo naceu nos Alpes Franceses fai uns 250 anos e que como actividade deportiva sempre seguirá a ser «máis que un deporte», o que lle valeu o recoñecemento da UNESCO en 2019 ao declarar esta actividad como Patrimonio Inmaterial da Humanidade

Finalmente, Montañas de Trevinca fai patente o seu agradecemento ás administracións públicas que a nivel local, provincial e autonómico foron quen de rexeitar a instalación dos parques eólicos Prada e Alto Cabrera na contorna dos cumios de Galicia e ás diferentes ideoloxías políticas que están dacordo na obriga de coidar e protexer o territorio, así como ás «recoñecidas e competentes voces» de científicos, universidades e medios especializados que apoiaron con razóns fundamentadas a loita contra os proxectos, facendo súa a comprensión «do grave problema que ameazaba a este territorio de alta montaña, tanto no ambiental e humano como no social e económico».

O clube montañeiro remata a súa misiva de agradecemento cunha reflexión e unha petición, preguntándose «cando será Trevinca Parque Natural» e desexando que «moi pronto» porque «razóns hai de sobra» e «Galicia o merece e, con seguridade, o agradece».

Necesitamos tu ayuda para seguir ofreciendo Contrainformación. No queremos depender de bancos, publicidad o grandes empresas. Si te gusta lo que hacemos, invítanos a desayunar una vez al mes para que podemos seguir ofreciéndote nuestro trabajo
¿Prefieres hacer un ingreso por tu cuenta? Aquí puedes hacerlo: Triodos Bank: IBAN - ES0714910001283000114479    

DEJA UNA RESPUESTA