O plan de actividades culturais autorizado pola Deputación da Coruña no Dolmen de Dombate dificulta a conservación das súas pinturas

A Asociación Salvemos Cabana alerta de que a falta de control e a laxitude do ente provincial coas intervencións do alcalde de Cabana no monumento está a afectar negativamente á percepción e ao contexto do sitio arqueolóxico. 

A entidade critica que o ciclo de concertos “Música na catedral” esté a celebrarse con público ata finais de agosto no pavillón do dolmen mentres o auditorio da localidade se atopa “completamente valeiro”, ademáis de realizarse en plena época de rebrote da pandemia do coronavirus. 

Ao colectivo preocúpalle a afectación negativa que a realización deste tipo de eventos poida ter sobre as pinturas de época neolítica que atesoura o monumento indicando que son “moi sensibles aos cambios ambientais”, polo que consideran que a prioridade da Deputación coruñesa debería ser a súa conservación “alén do desmesurado circo turístico e mediático imposto a nivel municipal nos últimos anos”.

Ademáis, segundo sinalan, diferentes expertos xa alertaron que o recinto no que se atopa o dolmen non é, per se, o máis axeitado para a conservación das pinturas e non deixa de ser “un custoso andamio” de “ineficiente deseño”, dado que non permite unha climatización axeitada e provocou que o corte estratigráfico do megalito esté, literalmente, pindado de verde ao ter sido atacado polos fundos e a humidade, razón que fai que sea desaconsellable a realización de actividades con público no pavillón do megalito.

Como xa ven sinalando dende o ano 2015, a asociación aposta porque o Dolmen de Dombate e o seu centro arqueolóxico, dende o punto de vista cultura, teñan dous ámbitos de actuación. O primeiro, a difusión e posta en valor permanente tanto do contexto neolítico que rodea ao monumento como da importancia da súa conservación, algo que a xuizo do colectivo “non parece encaixar en absoluto” cos plantexamientos de José Muíño Domínguez (PP), alcalde de Cabana, “nin é entendido como debería” por parte dos servizos de Patrimonio e Cultura da Deputación, “que seguen a permitir calquera tipo de actividade imaxinable no recinto, teña ou non que ver co seu contexto arqueolóxico”. 

Por estes motivos, Salvemos Cabana considera que a mellor solución “tal como agora comeza a asumir a propia Deputación coruñesa e xa se fixo constar en sede parlamentaria no 2016” é que o control do centro arqueolóxico e do seu plan de actividades sexa asumido, en primeira instancia, pola Xunta de Galicia e a continuación paseo a ser xestionado por un equipo profesional “que centre o caracter do monumento ao que debería ser, unha instalación museísica de referencia guiada por criterios arqueolóxicos, tanto nas visitas como no desenvolvemento de eventos”.