Traballadoras e traballadores do sector de ambulancias percorreron esta mañá as rúas de Compostela, desde a Estación de Tren até o edificio administrativo da Xunta de Galiza, en San Caetano, “Por un convenio digno e un servizo público de calidade”. O persoal leva meses mobilizándose en demanda de que se negocie o convenio, paralizado desde hai 3 anos, e agora, cando por fin se reuniu por primeira vez a mesa queren impedir que se intenten empeorar as súas condicións.
“Este sector xa tivo dous convenios con folga, o cal indica que temos unha patronal e unha Xunta de Galiza moi dura contra nós e se non nos movemos, non imos conseguir nada”, lembraba ao inicio da protesta Xesús Pastoriza, responsábel do sector de Transporte da FGAMT-CIG.
Por iso sinalaba que aínda que se celebrou esa primeira xuntanza da mesa “iso non dá garantía ningunha de que vaia por onde nós queremos” e aseguraba que desde a central sindical “cremos que pode ser a presión na rúa a que pode forzar á patronal e a Xunta de Galiza a sentarse para asinar un convenio digno neste sector. Sentarse por sentarse non vale para nada e temos o exemplo de moitos convenios que foron á baixa”.
Descolgue do convenio
O responsábel do sector lembrou ademais os intentos das empresas –todas- de descolgarse do convenio. Intentos que foron retirados e que só mantivo Ambuibérica, polo que advertiu de que, “polo feito de que vaia para adiante o convenio non significa que Ambuibérica que non poda seguir con ese tema”.
Ambuibérica pedía un 25% de rebaixa no convenio, nun 18% en cuestións económicas e no resto cuestións sociais, como permisos retribuídos, temas de baixas… A empresa xustificaba o descolgue argüíndo que os cartos da concesión non lle daban para afrontar os gastos en persoal e demais.
Sobre esta cuestión Pastoriza lembrou que tanto para o transporte sanitario urxente como para o non urxente, aínda que sobre todo no caso do primeiro, as concesións saíron a concurso cuns orzamentos por debaixo de custes en case todos os contratos. “Respecto deses orzamentos as empresas aínda rebaixaron máis as súas propostas”. Isto foi o que provocou as mobilizacións dos últimos anos porque “as empresas e a Xunta pensaban que o persoal ía asumir as condicións anteriores, por debaixo de convenio, pero no que a CIG ten a maioría pon como condición sine qua non o cumprimento estrito do convenio e un cero por cen de rebaixas. Diante disto as empresas teñen un problema, porque o orzamentado non lles dá. Pero é o seu problema terse presentado por debaixo de oferta”.
Ás concesións de transporte sanitario urxente se lle acaba o contrato en outubro do ano que vén. O non urxente en outubro de 2020. Ante isto Pastoriza agarda que as empresas aprenderan a lección e que “tanto a Xunta dote orzamentariamente ben os contratos e que as propias empresas non vaian por debaixo”.
Renovación da flota de ambulancias
Nos contratos está disposto que aos dous anos as empresas teñen que renovar a flota. “Renovar a flota quere dicir renovala, poñer coches novos”, especifica o responsábel do sector de Transporte da FGAMT. Porén, o que están é facendo “a trampa consentida pola Xunta de pasarse dunha empresa a outra as ambulancias” co cal hai unha falsa renovación de da flota. Por iso con esta mobilización exixíase tamén da Xunta “o cumprimento estrito dos contratos”.
A este respecto lembrou que representantes das traballadoras/es tiveron recentemente unha reunión co grupo parlamentario popular, en concreto co portavoz de sanidade, e o que lle exixiron “que se cumpra estritamente o contrato” e que a Xunta de Galiza “asuma ademais a súa obriga fiscalizadora e inspectora para comprobar que a flota non está renovada senón que hai un intercambio de ambulancias”.
El colectivo considera que la vandalización del cierre perimetral de dos de las balsas mineras…
La eurodiputada denuncia amenazas de muerte que incluyen la difusión de su domicilio. No es…
La Casa Blanca intenta vender una guerra “casi terminada” mientras los mercados reaccionan al miedo…
Wikipedia empieza a escribir en pasado lo que el mundo permitió destruir en presente. La…
La ofensiva militar de Estados Unidos e Israel contra Irán confirma el colapso del orden…
El exsecretario general Javier Ortega Smith denuncia irregularidades económicas internas y apunta a una red…
